Një qytetar nga lagjja Apollon në Fier ka denoncuar gjendjen e rëndë të infrastrukturës pranë ish-mapove të vjetra, ku sipas tij kanë shpërthyer kanalizimet e ujërave të zeza, duke e bërë zonën të pakalueshme për banorët dhe automjetet. Ai shprehet se situata është degraduese dhe krijon ndjesinë sikur banorët e zonës janë lënë në harresë.
Qytetari thekson se ankesat e vazhdueshme nuk po gjejnë reagim nga institucionet, ndërsa kryetari i Bashkisë Fier, Armando Subashi, sipas tij, nuk e ka marrë në konsideratë këtë problem serioz. Ai e cilëson të turpshme që një shqetësim i tillë vazhdon të mbetet i pazgjidhur edhe në vitin 2026 dhe kërkon ndihmë për zgjidhjen e situatës.
“Përshëndetje JOQ. Kjo video është bërë në lagjen Apollon, tek ish-mapot e vjetra. Këtu sikur banojnë të prapambeturit, kanë plasur kanalizimet e ujërave të zeza. Nuk na dëgjon njeri zërin tonë, kryetari i Bashkisë Fier, Armando Subashi, nuk i bën pikën e përshtypjes ky shqetësim i qytetarëve. Është turp që e diskutojmë në vitin 2026. Ju lutemi, na ndihmoni. Nuk kalojmë dot as këmbësor dhe as makinat që kalojnë do bëhen sikur kanë kaluar në shkretëtira”, shkruan qytetari.
