Një aksident rrugor është regjistruar pasditen kësaj të shtune në aksin Qafë Plloçë–Pogradec.
Sipas informacioneve paraprake, një automjet ka përplasur një person që po lëvizte me biçikletë. Si pasojë e përplasjes, drejtuesi i biçikletës ka pësuar dëmtime dhe është transportuar menjëherë drejt spitalit, ku po merr ndihmën e nevojshme mjekësore.
Burime nga vendngjarja bëjnë me dije se i dëmtuari dyshohet se ka qenë nën efektin e alkoolit, rrethanë që mund të ketë ndikuar në ndodhjen e aksidentit.
Policia ndodhet në vendin e ngjarjes dhe po punon për zbardhjen e plotë të rrethanave dhe shkaqeve të aksidentit.
