Një punonjës i forcave speciale “Shqiponja” ka mbetur i lënduar në këmbë pas një aksidenti rrugor ku është përfshirë një automjet transporti.
Sipas informacioneve paraprake, efektivi ka pësuar dëmtime dhe është dërguar menjëherë në spital për të marrë ndihmën e nevojshme mjekësore. Gjendja e tij shëndetësore po monitorohet nga mjekët.
Shkaqet dhe dinamika e aksidentit nuk janë ende të qarta, ndërsa autoritetet po punojnë për të zbardhur rrethanat e ngjarjes dhe pritet një njoftim zyrtar në vijim.
