Një aksident rrugor është regjistruar sot, ku janë përfshirë dy automjete. Ngjarja ka ndodhur në rrethana ende të paqarta, ndërsa në aksident janë përplasur një automjet tip Audi dhe një Toyota.
Sipas dëshmitarit okular, si pasojë e përplasjes, tre persona kanë mbetur të plagosur. Të lënduarit kanë marrë ndihmën e parë dhe janë transportuar drejt spitalit për trajtim mjekësor.
Në vendngjarje kanë mbërritur forcat e policisë, të cilat po punojnë për të zbardhur shkaqet e aksidentit dhe për normalizimin e qarkullimit. Hetimet vijojnë për të përcaktuar përgjegjësitë dhe dinamikën e plotë të ngjarjes.
