Një ngjarje e rëndë ka ndodhur pak momente më parë në lagjen nr. 2 të Kavajës, ku shtetasi Artur Ligeja, pronar i një agjencie udhëtimesh dhe disa bizneseve të tjera, është plagosur me thikë.
Shkaqet dhe rrethanat e ngjarjes nuk janë ende të qarta, ndërsa policia ndodhet në vendngjarje dhe po kryen hetimet për të sqaruar çfarë ka ndodhur.
Gjithashtu, për të marrë informacion të plotë, po merret në pyetje edhe vetë i lënduari, në përpjekje për të zbardhur ngjarjen.
Ndërkohë në prill të këtij viti, para zgjedhjeve të 11 Majit, biznesmeni ishte vizituar nga Elisa Spiropali për t'u përshëndetur si një shembull frymëzues i rikthimit dhe investimit në vendin tonë.
