Prej disa ditësh dhe javësh, mbeturina të shumta janë lënë të grumbulluara në rrugën “Ymer Kurti”, pranë shkollës “Petro Nini”, në zonën e Tiranës së Re.
Situata përbën rrezik për shëndetin publik, veçanërisht për nxënësit dhe banorët e zonës.
Banorët shprehen se, ndërsa Bashkia e Tiranës dhe Policia Bashkiake fokusohen në gjobitjen e automjeteve të cilësuara si të braktisura për zënie të hapësirës publike, mbeturinat e shumta qëndrojnë pa u pastruar për periudha të gjata.
Sipas banorëve, edhe pas njoftimit të Policisë Bashkiake, nuk është marrë asnjë masë për pastrimin e zonës, duke ngritur shqetësime për neglizhencë dhe standarde të dyfishta në menaxhimin e hapësirave publike.
Denoncimi i qytetarit:
Pershendetje !keto plera jane per dite e jave te tera keshtu ne qender te Tiranes ne rrugen Ymer Kurti prane shkolles Petro Nini! Dhe bashkia shqetesohet per makinat duke i cilesuar te braktisura sepse kane zene hapesiren publike. Ndersa plerat qe jane burim semundjesh nuk i shqetesojne fare
Ne Tirane te re prane shkolles Petro Nini. Tekefonova policine Bashkiake pasi shohin vetem makinat ti mbysin me gjoba dhe plerat nuk u bejne fare pershtypje.
