Një qytetar ka denoncuar gjendjen e rëndë të një rruge në territorin e Bashkisë Skrapar, e cila prej më shumë se tre javësh ndodhet e dëmtuar dhe pa asnjë ndërhyrje nga institucionet përgjegjëse.
Sipas qytetarit, rruga është e shkatërruar, me shembje dheu, gurë dhe blloqe betoni të shpërndara në mes të saj, ndërsa mungon plotësisht sinjalistika rrugore. Kjo situatë e bën qarkullimin tejet të rrezikshëm si për drejtuesit e mjeteve, ashtu edhe për këmbësorët.
Qytetari raporton se si pasojë e kësaj gjendjeje, kanë ndodhur të paktën tre aksidente, ndërsa rreziku mbetet i pranishëm çdo ditë. Ai shpreh shqetësimin se mungesa e reagimit nga Bashkia Skrapar mund të çojë në pasoja edhe më të rënda.
Pamjet e dërguara nga qytetari tregojnë qartë rrezikun real në këtë segment rrugor.
Denoncimi i qytetarit:
Skrapar/ Prej më shumë se 3 javësh kjo rrugë ndodhet në gjendje skandaloze dhe Bashkia Skrapar nuk ka marrë asnjë masë. Rruga është e shkatërruar, me shembje dheu, gurë, blloqe betoni në mes të rrugës, pa sinjalistikë dhe shumë e rrezikshme për qarkullimin.
Si pasojë, kanë ndodhur të paktën 3 aksidente dhe rreziku vazhdon çdo ditë për drejtuesit e mjeteve dhe këmbësorët.
Pamjet flasin vetë. A do të reagojë Bashkia Skrapar vetëm pasi të ndodhë ndonjë tragjedi?
