Një situatë problematike është raportuar në fshatin Marikaj, ku djegia e barit të thatë nga një banor ka shkaktuar tym të dendur dhe probleme për banorët e zonës.
Sipas një denoncimi të mbërritur në redaksinë tonë, tymi ka pushtuar ambientin përreth, duke shkaktuar shqetësime dhe pamundësi për të vijuar aktivitetet e përditshme.
“Po na mbyt tymi, nuk po punojmë dot”, shprehen banorët, të cilët thonë se kjo situatë është kthyer në problem të përditshëm.
Ata i bëjnë thirrje autoriteteve vendore që të ndërhyjnë për të ndaluar djegien e mbetjeve bimore, një praktikë e dëmshme për shëndetin dhe mjedisin.
