Një qytetar ka denoncuar publikisht vjedhjen e motorit të tij, ngjarje e ndodhur më datë 14 në rrugën “Pjetër Budi”. Përmes një mesazhi shoqëruar me video, ai kërkon ndihmën e qytetarëve, duke theksuar se autori i dyshuar është filmuar nga kamerat e sigurisë me fytyrë të dukshme.
Sipas denoncuesit, policia është njoftuar menjëherë pas ngjarjes, por edhe pas gjashtë ditësh autori ende nuk është identifikuar apo arrestuar. Ai shpreh shqetësimin për mungesën e rezultateve nga hetimet dhe u bën thirrje institucioneve për reagim më të shpejtë, si dhe qytetarëve për bashkëpunim në zbardhjen e rastit.
"Çkemi, si jeni? Ju lutem, postojeni këtë video, sepse më kanë vjedhur motorin në datën 14, te rruga Pjetër Budi. Kam lajmëruar policinë, por ka 6 ditë dhe ende nuk është gjetur autori, edhe pse është filmuar nga kamera me fytyrë të dukshme. Ju falënderoj", shkruan qytetari.
