Ish-piloti i njohur i NASCAR, Greg Biffle, ka humbur jetën në një aksident avioni të ndodhur të enjten në aeroportin rajonal të Statesville, në Karolinën e Veriut. Bashkë me të humbën jetën edhe gjashtë persona të tjerë, përfshirë bashkëshorten e tij Cristina, djalin 5-vjeçar Ryder dhe vajzën 14-vjeçare Emma.
Avioni i tipit Cessna C550 ishte planifikuar të fluturonte nga Statesville drejt Aeroportit Ndërkombëtar Sarasota/Bradenton. Sipas të dhënave të FlightAware, ai u ngrit në orën 10:06 sipas kohës lokale dhe përshkoi vetëm 29 milje, përpara se të rrëzohej gjatë përpjekjes për t’u kthyer dhe për të aterrur sërish në Statesville në orën 10:32.
Biffle ishte 55 vjeç dhe kishte zhvilluar një karrierë 16-sezonale në NASCAR, me 19 fitore në serinë elitare Cup Series.
Familjarët e viktimave kanë shprehur dhimbjen e thellë për humbjen, ndërsa komuniteti i NASCAR ka reaguar me mesazhe ngushëllimi për një nga emrat më të njohur të sportit.
