Gjyqtarja Fiona Papajorgji është zgjedhur kryetare e Gjykatës Kushtetuese për një mandat trevjeçar, duke marrë drejtimin e një prej institucioneve më të rëndësishme të sistemit të drejtësisë në vend.
Ajo zëvendëson në këtë detyrë ish-kryetaren e Gjykatës Kushtetuese, Holta Zaçajn, mandati i së cilës përfundoi në muajin mars të këtij viti, çka solli edhe krijimin e vakancës në krye të institucionit.
Procesi për zgjedhjen e kryetarit të ri u zhvillua pas përfundimit zyrtar të mandatit të Zaçajt, ndërsa gjyqtarja Papajorgji ishte kandidatura e vetme në garë për drejtimin e Gjykatës Kushtetuese dhe u konfirmua në këtë post për periudhën e ardhshme trevjeçare.
