Personi që shihni në foto është 32-vjeçari Artjon Xhelo, nga Berati, ish-punonjës i Policisë së Shtetit. Ai u gjet i pajetë këtë të hënë në Qafën e Llogarasë, brenda makinës së tij tip BMW, e cila ishte shkrumbuar plotësisht nga flakët.
Policia dyshon paraprakisht për vetëvrasje, por nuk ka përjashtuar mundësinë e një ngjarjeje kriminale, ndërkohë që hetimet janë ende në zhvillim.
Sipas burimeve, në komunikimin e fundit me familjarët, Xhelo kishte shprehur shqetësimin e tij lidhur me punësimin, duke thënë se nuk do të kthehej në shtëpi nëse nuk do të gjente një vend pune.
Të afërmit e tij kanë deklaruar se përjashtimi nga radhët e Policisë së Shtetit në vitin 2023 ndikoi ndjeshëm në gjendjen e tij psikologjike.
JOQ Albania shpreh ngushëllimet më të sinqerta për familjarët.
