Konsumatorët po ngrejnë zërin pas një fenomeni krejtësisht të pazakontë që lidhet me patatinat Chipsy, gjithnjë e më shumë paketime po rezultojnë bosh. Raportimet thonë se deri 1 në 5 paketime hapen dhe dalin… absolutisht të zbrazëta. Një situatë absurde, që ka ndezur indinjatë dhe habi në rrjet.
Dhe çfarë e bën edhe më shqetësuese? Ky nuk është një rast i ri. Konsumatorë të shumtë pretendojnë se këtë problem e kanë hasur disa herë, duke sjellë një valë zhgënjimi dhe dyshimi rreth cilësisë së paketimit. Nga jashtë paketimi duket perfekt, por brenda del veç ajër i ftohtë.
Kjo nuk po ndodh vetëm me Chipsy. Konsumatorët raportojnë raste të ngjashme edhe tek markat e tjera të patatinave, ku paketimet duken si tullumbace, ndërsa sasia e patatinave brenda është qesharake. Tashmë shumë njerëz pyesin hapur: Ku ngelet kontrolli i cilësisë?
