Një 70-vjeçare në Korçë, Bajame Memetali, është gjetur e pajetë në banesë pasi fqinja e saj njoftoi policinë për mungesën disa-ditore. Sipas fqinjës, e moshuara jetonte e vetme, në kushte të vështira dhe vuante nga probleme shëndetësore. Ajo shtoi se djali i viktimës ndodhej aktualisht në burg.
“U shqetësuam se nuk e kishim parë dhe hymë në shtëpi disa fqinjë. E pamë që kishte ndërruar jetë. Ajo jetonte vetëm, djalin e kishte në burg, bashkëshorti kishte ndërruar jetë dhe nuk kishte njeri tjetër këtu. Një motër e kishte në Tiranë, por ajo vinte rrallë ta shihte. Kishte probleme shëndetësore pasi disa kohë më parë ishte rrëzuar nga kati 4 dhe nuk dilte dot nga shtëpia. Jetonte në kushte të vështira“, u shpreh fqinja.
