Një plagosje me thikë ka ndodhur mbrëmjen e sotme në Durrës.
Raportohet se një 41-vjeçar (fillimisht u raportua se bëhej fjalë për një 21-vjeçar), i identifikuar si Haxhi Shehu, është goditur dy herë me thikë në zonën e Fllakës nga shtetasi Egzon Sinani. Ky i fundit është shpallur në kërkim nga Policia. Shkaqet e sherrit mbeten të paqarta, ndërsa paraprakisht dyshohet se bëhet fjalë për motive banale.
Burime bëjnë me dije se i riu ndodhet në spital, ku i është nënshtruar trajtimit mjekësor. Fatmirësisht, ai është jashtë rrezikut për jetën.
Ndërkohë, forcat e Policisë kanë mbërritur në vendin e ngjarjes dhe po punojnë për zbardhjen e plotë të rrethanave dhe shkaqeve.
