Një shtetas italian 54-vjeçar, banues në Torino, ka rënë në prangat e policisë Durrës pasi akuzohet për disa raste vjedhjeje dhe tentativë vjedhjeje në zonën e Maminasit.
Italiani me iniciale M. S., 54 vjeç, dyshohet se kishte tentuar të vidhte dy automjete në Maminas.
Hetimet zbuluan gjithashtu se i njëjti shtetas kishte vjedhur sende me vlerë nga automjeti i një qytetari tjetër në të njëjtën zonë. Policia ka sekuestruar të gjitha sendet e vjedhura në cilësinë e provës materiale.
Materialet procedurale i janë dërguar Prokurorisë pranë Gjykatës së Shkallës së Parë Durrës për veprën penale “Vjedhja”.
