Duket se disa qytetarë ende e kanë të vështirë të jetojnë sipas rregullave të komunitetit, dhe vazhdojnë të sillen sipas ligjit të xhunglës, ku “mbijeton më i forti”.
Trafiku është një nga situatat ku kjo sjellje vërehet më shpesh, me një ndryshim “i shpëton më i shkathti”. Ndërsa shumica e drejtuesve të mjeteve presin në radhë për të kaluar sipas rregullit, disa të tjerë hyjnë pa radhë, duke krijuar rrezik për aksidente.
Kjo situatë është shfaqur zakonisht në Unazën e Madhe të Tiranës, pranë “Fabrikës së Miellit”. Një qytetar që ka ngritur sot këtë shqetësim na shkruan: “Tek mbikalimi i Fabrikës së Miellit, ne presim në rresht, ndërsa këta futen si të ‘shkathtë’.”
Ky problem është raportuar disa herë edhe më parë, por duket se Policia e ka të vështirë të vendosë rend dhe t’i parandalojë këto shkelje të qarkullimit rrugor.
