Në redaksinë e JOQ Albania ka mbërritur një video që shfaq një krijim të veçantë. Bëhet fjalë për një tavolinë të punuar mjeshtërisht me dru arre, në të cilën është gdhendur harta e Shqipërisë Etnike.
Në qendër të saj ndodhet edhe flamuri shqiptar, i realizuar me rrëshirë epoksi, duke i dhënë veprës një pamje të veçantë artistike.
Sipas qytetares që e dërgoi, punimi ka zgjatur rreth dy muaj dhe është përfunduar posaçërisht për festat e Nëntorit.
"Një gdhendje, një kujtim, një rrënjë, një hartë që flet gjithnjë për ne", shprehet ajo për punimin e kryer.
Punimi është realizuar nga çifti i bashkëshortëve, Muharrem Hyka dhe Malvina Dreni, si një vepër tërësisht e punuar me dorë.
Ky krijim unik është një tjetër shembull i mjeshtërisë dhe pasionit që shqiptarët shfaqin për historinë dhe identitetin kombëtar.
