Në rrugën dytësore të Vorës, qytetarët kanë denoncuar një situatë shqetësuese, ku një shtyllë elektrike e amortizuar qëndron ende në këmbë vetëm falë telave të tensionit.
Në vend që shtylla të mbajë kabujt, janë telat ata që po mbajnë shtyllën për të mos u rrëzuar.
Banorët e zonës ngrenë alarmin për rrezikun që paraqesin këto shtylla të dëmtuara, duke kërkuar ndërhyrje urgjente nga autoritetet për riparimin ose zëvendësimin e tyre, për të shmangur ndonjë ngjarje të rrezikshme.
