Një aksident i rëndë është regjistruar mbrëmjen e së premtes në autostradën Tiranë–Durrës. Një kamion mallrash me targa të Kosovës është përplasur me një automjet, duke bërë që ky i fundit të dalë nga rruga dhe të përfundojë në një kanal anësor.
Nga goditja kanë mbetur të plagosur dy persona që udhëtonin me makinën, të cilët u transportuan me urgjencë drejt spitalit për ndihmë mjekësore. Ende nuk ka detaje mbi gjendjen e tyre shëndetësore.
Paraprakisht dyshohet se shkak i aksidentit është bërë lagështia në rrugë, që ka sjellë humbje kontrolli dhe frenim të pasigurt. Policia po heton rrethanat e plota të ngjarjes.
