Prej një jave në Paskuqan po përshkallëzohet një situatë shqetësuese për banorët: ujërat e zeza kanë dalë në sipërfaqe duke krijuar ndotje, erë të rëndë dhe vështirësi në qarkullim. Sipas denoncimeve të qytetarëve, problematika është bërë e vazhdueshme dhe nuk ka pasur ndërhyrje efektive nga institucionet përgjegjëse.
Banorët thonë se shkaku kryesor i përkeqësimit të gjendjes lidhet me ritmin e lartë të ndërtimeve në zonë. "Vetëm ndërtime, ndërtime. Kanalizimet janë bërë copa-copa," shkruan një qytetar, duke theksuar se infrastruktura ekzistuese nuk po përballon ngarkesën e rritur dhe se mungesa e planifikimit urban po ndikon drejtpërdrejt në cilësinë e jetës.
