Sot, 27 Nëntor 2025, rikujtojmë me krenari një moment vendimtar që i parapriu aktit historik të Pavarësisë së Vlorës. Më 27 Nëntor 1912, vetëm një ditë para shpalljes së Pavarësisë, Lushnja, Kavaja dhe Peqini u bashkuan në një hap të guximshëm duke ngritur flamurin kuq e zi dhe duke shpallur largimin nga sundimi osman.
Në ato ditë të mbushura me pasion kombëtar, këto tre qytete u bënë pararojë e lëvizjes çlirimtare, duke ndezur flakën e lirisë që do të përhapej në mbarë vendin. Patriotët lushnjarë, kavajas dhe peqinas, me vendosmëri dhe vetëdije të lartë kombëtare, dëshmuan se pavarësia nuk ishte vetëm vepër e një qyteti, por fryt i një zgjimi të gjerë popullor.
Kjo ditë e 27 Nëntorit mbetet një nga faqet më të çmuara të historisë sonë, një dëshmi e bashkimit, guximit dhe aspiratës shekullore për liri.
Rroftë Shqipëria!
