Në Durrës, policia ka arrestuar dy vajza nga Brazili, B. B. (24 vjeçe) dhe H. D. (21 vjeçe), pas një operacioni të koduar “STORM”. Ato kishin marrë me qira një apartament në lagjen nr. 2, të cilin e shfrytëzonin për prostitucion dhe konsumimin e lëndëve narkotike.
Gjatë ndërhyrjes, vajzat i bënë rezistencë policisë duke refuzuar të hapin derën. Ajo u hap me ndihmën e punonjësve të Zjarrfikëses.
Policia sekuestruar dy pasaporta, para në euro dhe lekë, tre aparate celularë, një bllok shënimesh, karta SIM, dhe lëndë narkotike të dyshuara si kanabis.
Të dyja vajzat përballen me akuza për "Prostitucion", "Përshtatja e ambienteve për prostitucion" dhe "Prodhimi dhe shitja e lëndëve narkotike". Materialet janë dërguar në Prokurorinë e Durrësit për veprime të mëtejshme hetimore.
