Një qytetar nga zona e Liqenit të Thatë ka dërguar një video ku shpreh shqetësimin për trafikun e rënduar dhe parkimin e parregullt në zonë.
Sipas tij, mjetet e parkuara në mënyrë të gabuar bllokojnë qarkullimin, duke krijuar vështirësi për drejtuesit e automjeteve dhe banorët dhe duke i lënë ata të bllokuar pë minuta të tëra.
Qytetari kërkon reagim më të shpejtë nga Policia e Shtetit, duke nënvizuar se mungesa e ndërhyrjes po e përkeqëson situatën e trafikut, veçanërisht gjatë orareve me qarkullim të lartë.
Qytetarët e Tiranës prej kohësh kanë ngritur shqetësime për këtë problem dhe presin marrjen e masave për të normalizuar lëvizjen dhe për të garantuar rendin në segmente të frekuentuar.
