Një influencuese dhe këngëtare latine 22-vjeçare, Maria de la Rosa, është vrarë në një atentat me armë zjarri në Northridge në orët e para të mëngjesit të së shtunës, njoftoi Departamenti i Policisë së Los Angeles.
De la Rosa u qëllua disa herë teksa ishte ulur në një makinë të parkuar në Rrugën Bryant pranë Tampa Avenue dhe u transportua në spital, ku ndërroi jetë nga plagët e marra. Dëshmitarët raportuan se panë dy burra që iu afruan automjetit rreth orës 1:25 të mëngjesit. Autoritetet nuk kanë dhënë detaje të mëtejshme për të dyshuarit dhe nuk është e qartë nëse të tjerët në makinë janë plagosur.
Maria de la Rosa, e njohur artistikisht si DELAROSA, publikoi këngën e saj të parë, “No me llames” (“Mos më thirr”), në gusht. Postimi i fundit në Instagram, me mbi 40,000 ndjekës, e tregon atë me një kitarë elektrike në studio, duke lënë të kuptohet se po përgatitej për muzikë të re.
Motivi për të shtënat mbetet i panjohur dhe policia nuk ka kryer ende asnjë arrestim. Hetimet vazhdojnë për të identifikuar autorët dhe për të zbuluar rrethanat e ngjarjes.
