Forca të shumta të RENEA-s kanë ndërmarrë një operacion në fshatin Orosh në Pukë, ndërsa që nga mëngjesi policia e Shkodrës ka rrethuar një banesë ku dyshohet se janë fshehur dy persona të armatosur, të cilët mendohet të kenë qëndruar aty për më shumë se një muaj.
Banesa është e pabanuar prej kohësh dhe sipas burimeve, ajo i përket Mehill Jakut, ndërsa njëri nga personat që dyshohet të jetë aty është nipi i tij.
Identitetet e dy personave nuk janë bërë ende të ditura, ndërsa policia ka bërë disa thirrje për vetëdorëzim, por nuk ka marrë asnjë përgjigje nga individët e përfshirë.
