Punëtorët e Radio Televizionit të Kosovës (RTK) kanë nisur sot edicionin e lajmeve me protestë brenda studios.
Ata po zhvillojnë një grevë dy-orëshe brenda dhe jashtë godinës, duke mbajtur pankarta me mesazhe si “Greva është zëri ynë”, “Pa paga s’ka punë” dhe “Rrogën tonë e kërkojmë”. Ata theksuan se kjo formë e protestës është e domosdoshme, pasi zëri i tyre nuk është dëgjuar përmes kanaleve të zakonshme institucionale.
Sipas punëtorëve, paga për muajin nëntor ende nuk u është ekzekutuar, pavarësisht kërkesave të vazhdueshme drejtuar Qeverisë së Kosovës që nga fillimi i muajit. Ata po ashtu kanë kontaktuar edhe institucione të tjera të vendit, por deri tani nuk kanë marrë asnjë përgjigje apo zotim konkret për zgjidhje.
Greva ka filluar në orën 11:00 dhe pritet të përfundojë në orën 13:00, me paralajmërimin se do të vazhdohet deri në ekzekutimin e pagave. Kjo tregon një shembull për gazetarët shqiptarë të cilët nuk ngrihen në protestë kur iu shkelet e drejta e tyre nga punëdhësit!
