Serie A ka mbërritur në javën e 12-të, dhe këtë të dielë Roma ka marrë një fitore me shumë peshë në transfertë, duke mposhtur Cremonesen 1–3. Formacioni i Gasperinit duket se këtë sezon po ecën me një ritëm krejt tjetër dhe tashmë shfaqet si pretendent serioz për të rikthyer titullin në kryeqytet, pas 25 vitesh pritjeje.
Ndeshja u hap që në minutën e 17-të, kur kombinimi mes Kone dhe Soule u finalizua mjeshtërisht nga ky i fundit, i cili e dërgoi topin në rrjetë përballë portierit Audero. Pas pushimit, Cremonese tentoi të marrë kontrollin e lojës, por pa gjetur golin.
Në minutën e 62-të, trajneri Gasperini u ndëshkua me karton të kuq për protesta, duke u detyruar ta vazhdonte ndeshjen nga tribuna. Por Roma reagoi menjëherë: vetëm dy minuta pas këtij episodi, Ferguson, sapo futur në fushë, dyfishoi rezultatin. Ndërkohë, në minutën e 69-të, Wesley i vuri vulën fitores me golin e tretë.
Në fund, Folino shënoi golin e nderit për vendasit, duke fiksuar rezultatin final 1–3.
Me 27 pikë në 12 javë, Roma kryeson aktualisht tabelën, ndërsa vëmendja tani zhvendoset te supersfida Inter – Milan e orës 20:45, ku një fitore e zikaltërve mund ta zbresë ekipin verdhekuq nga maja e klasifikimit.
