Nokia ka njoftuar një plan investimi prej 4 miliardë dollarësh në Shtetet e Bashkuara, duke u fokusuar në kërkimin, zhvillimin dhe prodhimin për të nxitur përparimet në rrjetet e drejtuara nga Inteligjenca Artificiale (AI).
Sipas kompanisë, 3.5 miliardë dollarë do të alokohen për aktivitetet e kërkimit dhe zhvillimit, ndërsa 500 milionë dollarë do të shpenzohen për prodhim dhe shpenzime kapitale në shtetet Teksas, New Jersey dhe Pensilvani.
Strategjia e re e Nokia-s synon përmirësimin e operacioneve dhe forcimin e rolit të AI-së në teknologjitë e saj. Presidenti finlandez, Alexander Stubb, deklaroi më parë se Nokia ishte një nga temat e diskutimit gjatë takimit me presidentin amerikan, Donald Trump, në Shtëpinë e Bardhë.
