Përmbytjet në bashkinë Dimal kanë prekur edhe institucionet arsimore.
Një nga shkollat e dëmtuara është gjimnazi “Muhamer Janina” në Urën Vajgurore, ku sipas pamjeve të dërguara nga një qytetar, uji ka mbuluar të gjithë oborrin dhe ka depërtuar deri brenda ambjenteve të shkollës.
“Përshëndetje! Ky është gjimnazi ‘Muhamer Janina’ në Urën Vajgurore, bashkia Dimal,” shkruan denoncuesi teksa shoqëron videon me shqetësimin e tij.
Ende nuk dihet nëse situata do të ndikojë në zhvillimin normal të mësimit ditën e hënë, por gjendja paraqitet serioze dhe kërkon ndërhyrje të menjëhershme.
