Policia Kombëtare e Spanjës ka arrestuar një 33-vjeçar shqiptar, i dyshuar për grabitjen e 2,200 bizhuterive në qendrën tregtare ‘Plaza Norte 2’ në San Sebastián de los Reyes më 28 prill. Hajduti shfrytëzoi një ndërprerje të energjisë elektrike, e cila e bëri të pamundur funksionimin e bravat elektronike të dyqanit të bizhuterive José Luis, duke kryer një grabitje të planifikuar dhe të ekzekutuar me kujdes.
Hetimet tregojnë se i dyshuari hyri në çatinë e qendrës tregtare, bëri prerje në çatinë e asfaltit mbi dyqan dhe arriti të hynte në dhomën e pasme të dyqanit. I armatosur vetëm me një kaçavidë, ai hapi vitrinat pa i thyer dhe mori bizhuteri ari të bardhë dhe diamantesh, duke qëndruar i fshehur deri në momentin që ndërprerja e energjisë i lejoi liri lëvizjeje. Automjeti që përdori për t’u larguar u braktis një ditë më pas, ndërsa ai lëvizte shpesh brenda dhe jashtë Spanjës me identitete të ndryshme.
Më 22 tetor, shqiptari u gjet përsëri në Spanjë dhe u arrestua për vjedhje me thyerje. Në kohën e arrestimit mbante me vete rreth 3,000 euro në para të gatshme dhe një bizhuteri të vjedhur, duke konfirmuar përfshirjen e tij në grabitje. Ngjarja ekspozoi dobësitë e sigurisë së qendrave tregtare ndaj bandave kriminale të specializuara dhe theksoi nevojën për masa më të forta mbrojtjeje.
