Reshjet e shiut që ditën e djeshme përfshinë pjesën veri-perëndimore të vendit, sot janë spostuar në jug.
Për momentin situata paraqitet problematike në qarkun Fier, Gjirokastër dhe Sarandë.
Në bashkinë Finiq, reshjet e dendura të shiut kanë shkaktuar përmbytje duke rrezikuar edhe shumë banorë e banesat e tyre.
Në fshatin Dermish, forcat e ekipeve zjarrfikëse kanë ndërhyrë për të evakuar banorët e një banese ku niveli i ujit ka arritur mbi 40 cm.
Një i moshuar dhe qeni i tij janë shpëtuar me ndihmën e zjarrfikësve, të cilët si në verë ashtu edhe në dimër, nuk kanë veshjet e duhura dhe rrezikojnë jetën për një mision që nuk paguhet ashtu siç duhet dhe e meritojnë.
