Një ngjarje e rëndë është shënuar pasditen e së martës në lagjen “15 Tetori” në Fier, ku një 33-vjeçar ka mbetur i plagosur pas një konflikti për motive të dobëta.
Sipas njoftimit zyrtar të Policisë, shtetasi J. R. dyshohet se ka përdorur një mjet prerës thikë duke lën të dëmtuar lehtë shtetasin D. D., 33 vjeç, banues në Roskovec.
I plagosuri ndodhet nën kujdesin e mjekëve ku po merr trajtim mjekësor.
Shërbimet e Policisë janë vënë në kërkim të shtetasit J. R., ndërsa grupi hetimor po vijon zbardhjen dhe dokumentimin e plotë të ngjarjes.
