Një ngjarje e pazakontë ka befasuar banorët e fshatit Strum dhe forcat e policisë. Një 69-vjeçar, ndaj të cilit ishte vendosur masa e sigurisë “arrest në shtëpi”, tentoi të dilte lirshëm në qytet duke u maskuar si grua, me shpresën se do t’i shpëtonte kontrollit policor.
Sipas burimeve, i moshuari ishte larguar nga banesa dhe po qarkullonte në rrugët e fshatit i veshur si grua, por sjellja e tij ka tërhequr vëmendjen e patrullës së Fierit. Pas verifikimeve, ai u identifikua dhe u ndalua në vend.
Policia e Fierit e ka shoqëruar 69-vjeçarin për shkelje të masës së sigurisë, ndërsa materialet i janë referuar Prokurorisë për veprime të mëtejshme ligjore.
