Është mbyllur pa gola pjesa e parë e ndeshjes Shqipëri – Angli, që po zhvillohet në stadiumin “Air Albania”. Kuqezinjtë bënë një paraqitje të shkëlqyer në 45 minutat e para, duke krijuar edhe disa raste, por pa arritur të rrezikojnë seriozisht portën e Henderson.
Lajmi i keq për Shqipërinë erdhi herët, pasi Elseid Hysaj u dëmtua dhe u detyrua të zëvendësohej nga Balliu në minutën e 26.
Edhe Anglia pati mundësinë e saj për të zhbllokuar rezultatin, por Strakosha u tregua vendimtar me një pritje fantastike në minutat e fundit të pjesës së parë. Mbrojtja kuqezi u shfaq në super formë, duke neutralizuar shumicën e tentativave të anglezëve.
Kjo sfidë është e fundit për kualifikueset e Botërorit 2026 në Grupin K. Shqipëria e ka siguruar tashmë Play Off-in, ndërsa Anglia e ka prerë biletën për në Kupën e Botës që do të mbahet në SHBA, Meksikë dhe Kanada.
Ndërkohë, në ndeshjen tjetër të grupit, Serbia po humbet 0-1 kundër Lituanisë, duke thelluar krizën e rezultateve.
