Një qytetar i Shkodrës i është drejtuar redaksisë së JOQ Albania me një apel për ndihmë, lidhur me një të ri të pastrehë që prej kohësh jeton në rrugë.
Në fotot e dërguara prej tij, i riu shihet teksa fle në një lulishte pranë kishës, i vetëm dhe pa askënd pranë që t’i ofrojë mbështetje apo ta pyesë nëse ka nevojë për ndihmë.
Në ditë të ftohta e të ngrohta, ai shtrihet në trotuaret e qytetit, ndërsa e vetmja mënyrë për të siguruar pak të ardhura mbetet mbledhja e mbeturinave. Sipas qytetarit, përveç një strehimi të sigurt, ai ka nevojë edhe për trajtim mjekësor, pasi vuan nga probleme të rënda dentare dhe shëndetësore.
Apeli u drejtohet Bashkisë së Shkodrës dhe shërbimit social, të cilët kanë detyrimin ligjor dhe human të kujdesen për këtë të ri. Mos e lini këtë djalë pa i dhënë një fije shprese!
Në mesazhin e plotë, qytetari shkruan:
Përshëndetje JOQ, doja të ndaja me ju një shqetësim të madh që kam për një djalë të ri dhe të paaftë që ndodhet në Shkodër. Ka dy vjet që unë e kam parë të lypë dhe mbledh mbeturina nëpër kazanët e qytetit.
Është shumë i dobët fizikisht. I pa larë dhe i kequshqyer. E kam parë që fle gjithë kohës rrugëve ku ta zërë nata. Nëna e tij gjithashtu ende rrugëve të Shkodrës duke lypur e duke kërkuar kazanët dhe mban rreth vetes gjithë ato qen rruge.
Më vjen shumë gjynah për këtë djalë që e shikoj të flejë rrugëve e trotuarëve në të ftohtë vetëm me një batanije ose fare pa të. Ka probleme denatare e shëndetësor. Ku janë institucionet? Ku është shteti? Dhe ku jemi ne të gjithë që kalojmë afër tij sikur nuk e shikojmë çdo ditë?
Sot ishte afër kishës dhe një dyndje me njerëz në meshën e orës 10:00 dhe të gjithë kalonin afër tij dukur të mos egzistonte. Ju lutem publikojeni që të bëhet diçka për të.
