Detaje të reja dalin nga ngjarja tragjike në Romë, ku 27-vjeçari shqiptar Leonardo Fiorini humbi jetën pasi ra nga ballkoni i katit të tretë. Sipas mediave italiane, autori i dyshuar është 25-vjeçari David Stojanovic, i cili aktualisht ndodhet në arrest shtëpiak dhe ka mohuar autorësinë, duke e cilësuar ngjarjen si aksident fatkeq. Ngjarja ndodhi në një B&B në lagjen Monteverde, ku të dy miqtë jetonin përkohësisht për punë sezonale.
Hetuesit po shqyrtojnë të gjitha rrethanat e ngjarjes, duke përfshirë grindjet e vazhdueshme midis dy shokëve, si dhe prania e një sasie të vogël droge, konkretisht kanabis, në apartament. Autoritetet po punojnë për të sqaruar motivin dhe se si ndodhi rënia tragjike e Fiorinit, ndërsa Karabinierët nga Compagnia di San Pietro janë angazhuar në hetim, në koordinim me Zyrën e Prokurorit.
Pyetje të rëndësishme mbeten pa përgjigje: çfarë shkaktoi grindjen mes dy miqve dhe nëse ishte një aksident apo vrasje e qëllimshme. Fiorini ra nga disa metra lartësi dhe, pavarësisht ndërhyrjes së shpejtë të ndihmës mjekësore, nuk mundi të shpëtonte jetën. Hetimet vazhdojnë për të sqaruar rolin e Stojanovic dhe rrethanat e vdekjes së të riut.
