Një rast shqetësues ka mbërritur në redaksinë e JOQ Albania, ku një qytetar nga Elbasani kërkon ndihmën e publikut për gjetjen e babait të tij 80-vjeçar, i cili ka humbur kontaktet dhe nuk është kthyer në shtëpi.
Bëhet fjalë për zotin Nexhip Skora, i cili është larguar nga banesa e tij sot rreth orës 11:00 dhe që prej asaj ore nuk ka asnjë shenjë.
Familjarët e tij bëjnë apel për çdo informacion që mund të ndihmojë në gjetjen e 80-vjeçarit. Ai është parë për herë të fundit në zonën e lagjes "Beqir Dardha" në Elbasan.
Ai ishte i veshur me pantallona të zeza dhe një xhup gri.
Familjarët shprehen të shqetësuar për mungesën e tij të zgjatur, ndërsa theksojnë se rasti është raportuar edhe në polici, por deri më tani asnjë rezultat.
Çdokush që ka parë zotin Nexhip Skora apo ka informacion mbi vendndodhjen e tij, është i lutur të njoftojë menjëherë familjarët në numrin e telefonit: 069 229 7461.
Solidariteti i qytetarëve është thelbësor në këto raste.
