Në Meksikë është miratuar një rregull i ri që ndëshkon punonjësit që krijojnë ose përdorin sticker-a në WhatsApp me fytyrat e kolegëve pa pëlqimin e tyre. Kjo praktikë konsiderohet si ngacmim dixhital në vendin e punës dhe mund të përbëjë tallje ose shkelje të privatësisë së punonjësve, veçanërisht kur përdoret në grupet e punës.
Sipas rregullores së re, punonjësit që ndihen të prekur mund ta raportojnë sjelljen përmes një platforme online. Autoritetet e kompanive mund të marrin masa disiplinore ndaj personit që ka përdorur foton pa autorizim, duke përfshirë edhe gjobë.
Ligji federal i punës dhe Kushtetuta Meksikane mbrojnë të drejtën e punonjësve për dinjitet dhe privatësi, duke e bërë të qartë se përdorimi i imazheve pa leje mund të ketë pasoja ligjore. Ekspertët nënvizojnë rëndësinë e respektit në komunikimin dixhital dhe dokumentimin e rasteve për të garantuar një mjedis pune të sigurt.
