Një banor ka raportuar për një problem serioz infrastrukture në afërsi të shkollës “Gjon Buzuku” në Tiranë, ku prej rreth një muaji ndodhet një gropë e madhe në mes të rrugës.
Sipas qytetarit, gropa paraqet rrezik të vazhdueshëm si për këmbësorët, ashtu edhe për drejtuesit e automjeteve, të cilët shpesh detyrohen të devijojnë lëvizjen për të shmangur dëmtimin e makinave.
Ai thotë se për shkak të thellësisë së saj dhe mungesës së sinjalistikës, situata bëhet edhe më e rrezikshme, veçanërisht gjatë natës.
Qytetari shprehet se askush nga autoritetet përgjegjëse nuk ka ndërhyrë deri më tani, pavarësisht se problematika është e dukshme dhe ndodhet pranë një institucioni arsimor ku lëvizja e fëmijëve është e shtuar.
Ai ka kërkuar që struktura përgjegjëse ta mbulojë ose rregullojë sa më shpejt këtë gropë, duke theksuar se banorët e zonës kanë mbetur pa zgjidhje dhe pa një rrugë të sigurt për të kaluar çdo ditë.
Denoncimi i qytetarit:
Pershendetje A mund ta nxirrni kte grop ju lutem ? Ndodhet ne afersi te shkolles gjon buzuku ne tirane. Nuk kemi ku te kalojm Po thyejm paragolpin e makines sepse esht ne mes te rruges.dhe nuk e shef njeri as nuk perpiqet njeri qe ta mbuloj. Ka 1 muaj ne kete gjendje
