Një sasi prej 2.2 kilogramësh kokainë është gjetur në zonën e Institutit në Tiranë, ku janë arrestuar dy persona, kushërinj me njëri-tjetrin.
Sipas burimeve hetimore, lënda narkotike dyshohet se kishte mbërritur nga Spanja dhe ishte destinuar për tregun e brendshëm. Dy të arrestuarit mësohet se kishin planifikuar ta ndanin në doza të vogla për ta shpërndarë në zonën e Freskut.
Gjatë ndërhyrjes, ata kanë tentuar të largohen, por janë ndaluar në afërsi të shinave të trenit. Hetimet po vazhdojnë për të zbuluar personat e tjerë që mund të jenë përfshirë në këtë rrjet trafiku dhe shpërndarjeje droge.
