KUSH KA MUNDËSI TË NDIHMOJË MARINELEN TË KONTRIBUOJË NË LINKUN E GOFUNFME
Një thirrje zemre ka mbërritur në redaksinë tonë. Është zëri i dridhur i një vajze të re, Marinelës, e cila kërkon ndihmë për njeriun më të shtrenjtë të jetës së saj, nënën.
Nëna e saj po përballet me një betejë të pabarabartë me kancerin e fshikëzës së tëmthit, tashmë në fazën e katërt, një sëmundje e pamëshirshme që ka filluar të përhapet edhe në mëlçi. Çdo ditë që kalon është një luftë mes dhimbjes dhe shpresës.
Marinela, e re në moshë por e rënduar shpirtërisht, nuk është dorëzuar. Me gjithë mundësitë që ka, ajo është nisur bashkë me nënën drejt Turqisë, ku mjekët kanë dhënë një rreze shprese për vazhdimin e trajtimit. Por shpresa ka një kosto të lartë, shumë më të madhe se ajo që Marinela mund të përballojë e vetme.
Çdo ndihmë, çdo kontribut, sado i vogël, mund të bëhet jetë për një nënë dhe shpëtim për një bijë që nuk pranon të humbasë njeriun e saj më të dashur.
