Një atentat me armë zjarri ka ndodhur pasditen e sotme pranë aeroportit të Rinasit, ku një person ka mbetur i vrarë dhe një tjetër i plagosur rëndë. Viktima dyshohet të jetë Gilmando Dani, i cili sapo kishte mbërritur në Shqipëri nga Barcelona. Ai po udhëtonte bashkë me Muçi Shaljani Sheqeri, i cili është plagosur rëndë dhe ndodhet në gjendje kritike për jetën.
Sipas burimeve nga vendi i ngjarjes, sulmi është kryer pak metra pasi të dy janë larguar nga aeroporti. Autorët kanë qëlluar me breshëri plumbash ndaj makinës tip Benz, e cila ishte e blinduar dhe në pronësi të Elvis Kosovës. Ngjarja duket se është e lidhur me konfliktet e grupeve kriminale në vend.
Policia ka nisur hetimet për identifikimin e autorëve dhe motivet e atentatit, duke mbledhur dëshmi në vendngjarje. Ngjarja vjen disa muaj pas një sulmi të ngjashëm ndaj pasurisë së Elvis Kosovës, duke rritur shqetësimin për sigurinë dhe aktivitetet e grupeve kriminale në zonën e Tiranës.
