Një aksident automobilistik ka ndodhur pasditen e sotme në rrugën që të çon drejt Thethit, ku një automjet ka dalë nga rruga dhe për pasojë ka mbetur e lënduar një udhëtare.
Nga pamjet që kanë mbërritur në redaksinë tonë, duket se si makina ka çarë barrierat anësore dhe ka përfunduar në një livadh. Shkak i aksidentit dyshohet të jetë vaji i derdhur në rrugë, i cili shpesh ka rezultuar dhe me pasoja fatale për udhëtarët të cilët aksidentohen.
Pjesa që duket me ngjyra të ndryshme në rrugë është vaj, i cili sipas denoncuesit është derdhur në asfalt qëllimisht nga punonjësit e karrotrecëve.
Ai na shkruan: “Përshëndetje JOQ! Këtu jemi rrugës për në Theth dhe karrotrecët hedhin vaj në rrugë dhe ja kush janë pasojat. Një grua është lënduar në duar, fatmirësisht jo shumë.”
