Një ngjarje e rëndë ka tronditur sot qytetin e Shkodrës. Rreth orës 10:25, në lagjen “Salo Halili”, shtetasi Arvjo Fishta, 38 vjeç, ka humbur jetën gjatë kryerjes së punës së tij.
Fishta, i cili punonte në një kompani interneti dhe ishte ish-trajner portierësh, dyshohet se ka rënë në kontakt me energjinë elektrike gjatë riparimit të një kabulli në një shtyllë, duke ndërruar jetë në vendngjarje.
Ai ishte babai i dy fëmijëve dhe njihej si një djalë shembullor, i respektuar nga komuniteti i Shkodrës. Lajmi i vdekjes së tij ka tronditur familjen, miqtë dhe qytetarët e zonës.
Grupi hetimor ndodhet aktualisht në terren dhe po punon për sqarimin e plotë të rrethanave të kësaj tragjedie.
