Sipas rezultateve të Anketës TIK në Ekonomitë Familjare 2024,të publikuar nga ASK, del se rreth 99% e ekonomive familjare në Kosovë kanë pasur qasje në internet gjatë vitit të kaluar, ndërsa vetëm 0.8% kanë deklaruar se nuk kanë pasur qasje.
Sa i përket përdoruesve sipas grupmoshës, grupi 16-24 vjeç ka përqindjen më të lartë të qasjes në internet me rreth 38%, pasuar nga grupi 25-34 vjeç me 14.2%.
Ndërkohë, përqindja më e ulët e qasjes është regjistruar tek grupi 65-74 vjeç, me 10.7%. Të dhënat tregojnë gjithashtu se përdorimi i internetit është pothuajse i barabartë mes gjinive, me 50.3% të meshkujve dhe 49.7% të femrave që kanë pasur qasje në internet gjatë vitit 2024.
Një tjetër tregues i rëndësishëm i dixhitalizimit është përhapja e TV-ve të lidhura me internet, ku 89% e individëve që kanë përdorur internetin gjatë tre muajve të fundit kanë raportuar se posedojnë një televizor të tillë në shtëpi, ndërsa 11% nuk e kanë këtë pajisje.
