Një nga portalet më të njohura investigative në nivel evropian, 'Follow the Money' (FTM), me qendër në Holandë, ka publikuar një raport shokues që ngre alarmin për përfshirjen e lartë të krimit të organizuar në Shqipëri. Ky investigim vjen pas publikimit të progres-raportit të Bashkimit Europian për Shqipërinë, i cili thekson suksese të moderuara në reformën e drejtësisë por injoron sfidat e brendshme te vendit.
Sipas FTM, Olsi Rama, vëllai i kryeministrit Edi Rama, është kapur duke drejtuar një automjet të një grupi mafioz shqiptar, fakt që provën prej dokumenteve të rënda që pretendohet se janë shqyrtuar nga portali. Ky informacion vjen pasi një anëtar i opozitës akuzoi më parë Olsi Ramën për përfshirje në ndërtimin e një laboratori kokaine. Megjithatë, në janar 2024, SPAK, agjencia shqiptare për anti-korrupsion, liroi Olsi Ramën nga akuzat, duke ngritur pikëpyetje mbi efektivitetin dhe pavarësinë e këtij organi.
Një tjetër figurë politike e përfshirë në investigim është Taulant Balla, i cili përmendet në përgjimet e policive europiane si i lidhur me trafikantët e drogës. Gjatë një hetimi global mbi rrjetin e komunikimit SKY ECC, Balla është identifikuar duke komunikuar me figura të krimit të organizuar. Megjithatë, Balla ka vazhduar të mbajë poste të rëndësishme në qeveri, me mbështetjen e kryeministrit Rama.
Në kontekstin europian, shqetësimet rriten kur kujtojmë dënimin e Charles McGonigal, ish-agjent i FBI-së, për marrjen e ryshfetit nga bashkëpunëtorë të Edi Ramës. Ndërkohë, investigimi i FTM zbulon se gjatë dhjetë viteve të fundit, krimi i organizuar shqiptar ka përfituar nga mbështetja e disa zyrtarëve të lartë të qeverisë për të zgjeruar rrjetin e tij në të gjithë Europën.
Kritikat nga FTM theksojnë se ndërsa Bashkimi Europian përpiqet të angazhohet me Shqipërinë për anëtarësim të mundshëm, korrupsioni dhe lidhjet mafioze brenda qeverisë shqiptare mund të përbëjnë një kërcënim serioz për stabilitetin dhe sigurinë europiane. Ky informacion vë në pikëpyetje mbështetjen e fortë të liderëve europianë për integrimin e Shqipërisë në BE, përkundër dëshmive për një shtet të infiltruar nga krimi i organizuar.
