Një 31-vjeçar është plagosur me armë zjarri në qytetin e Durrësit. Ngjarja ka ndodhur pasditen e sotme, rreth orës 16:20, në rrethana ende të paqarta.
I riu, me inicialet M.D., është paraqitur në urgjencën e spitalit të Durrësit për ndihmë mjekësore, pasi kishte një plagë në këmbë, në zonën e thembrës. Fatmirësisht, ai ndodhet jashtë rrezikut për jetën.
Sipas burimeve, 31-vjeçari nuk ka dhënë ende detaje për mënyrën si është plagosur, ndërsa policia ka nisur hetimet për të zbardhur shkaqet dhe rrethanat e ngjarjes.
Policia bën me dije se është ngritur grupi hetimor dhe, nën drejtimin e Prokurorisë, po punohet për sqarimin e plotë të rastit.
