Një denoncim i bërë nga banorët e bulevardit të ri të Tiranës ka nxjerrë në pah një situatë shqetësuese përsa i përket pastrimit të mbetjeve urbane. Sipas tyre, prej disa javësh mbeturinat nuk janë pastruar, duke krijuar një ambient të ndotur dhe të papërshtatshëm për jetesë.
Në pamjet e mbërritura nga qytetarët duken qese të shumta mbeturinash të grumbulluara pranë trotuareve dhe kazaneve të tejmbushura.
Banorët shprehen se kanë bërë disa herë kërkesa për pastrim, por gjendja mbetet e pandryshuar. Ata i bëjnë apel Bashkisë së Tiranës që të ndërhyjnë menjëherë për të rikthyer higjienën në zonë.
