Granit Xhaka po kalon një formë të shkëlqyer në sezonin e tij të parë me Sunderlandin, duke u kthyer menjëherë në një nga figurat më të rëndësishme të skuadrës angleze. Performancat e tij të qëndrueshme dhe lidershipi në fushë kanë tërhequr vëmendjen e të gjithëve, përfshirë edhe trajnerin Regis Le Bris, i cili nuk i ka kursyer elozhet për mesfushorin me origjinë shqiptare.
“Graniti gjithnjë drejton me shembull. Na jep besim dhe shpresë. Ai beson se gjithmonë mund të fitojmë, dhe këtë e përcjell tek skuadra në dhomën e zhveshjes. Është një lojtar që e dëshiron ta ndjekësh,” – deklaroi Le Bris për mediat britanike.
33-vjeçari ka zhvilluar 9 ndeshje këtë sezon, ku ka dhuruar 3 asiste, duke u bërë një nga lojtarët më produktivë të mesfushës. Përveç kontributit në lojë, Xhaka po shquhet edhe si udhëheqës i vërtetë, që motivon dhe udhëzon bashkëlojtarët brenda dhe jashtë fushës.
Sipas mediave angleze, eksperienca e tij e gjatë në Premier League dhe te Kombëtarja zvicerane po ndihmon ndjeshëm skuadrën e Sunderlandit, që synon rikthimin në elitën e futbollit anglez.
